Andi Muskamal Bare

AWE …………………………………….
TADDAMPENGENGNGA MARAJA
IYE TABE ………………….TABE ………………………..TABE
TADDAMPENGENGNGA RILANGKANA TUDANGETTA
RITUDANGE JAJARETTA
KULAKKE-LAKKEKANGNGI PASENG
RAMPE SEUWAE RIWANUANNA BONE
TANIA UPOMABUSUNG
KUSORONG RI PALELIMA
SALAMA SUMANGE BENNANG PATI
TORILOLANGENG TALINGKENNA LABELA
MAKKEDAI LAMENGRIRANA
ENGKA GARE ANA PATTOLA
ANAKKARUNG MPULAWENG PALILINA BONE
RIRAMPE RILALENG LIPU
LETTU LAO RI SALIWENG PANUWA
NAPOUNGA – UNGA TIMU

AWE …………………………………….
IYA BELA ANA PATTOLA
NAUJU SIA PAKKITA
ANA SIPAJAJIANG NAGILING SIAMELLERI
SIPAJAJIANG GAU MASALA
MASALA RIPANGKAUKENG
MAKKITA RITAJANG MASSEWAE
NASALEORI APPASE SIMULAJAJI
MUTOKKONG RIENGKAMU MAKKITA TAJANG
ASSEUWANNA DEWATAE
EPAJAJIAYANGNGENGNGI SEUWA-SEUWAE
PURATO MADDIONRO
KURAMAI SUMANGEMU
NASABA PAKKEGELLI DEWATAE
TUDANG SARA NA PANGADERENG
PATTARO ADE MAPPURA ONRO
NARILADUNG NA SIA

AWE KASI ………………………….
AWE …………………………………….
SOKKUNI SIA MINASATTA
MAPPURA ONRONI ASSAMATURUSETTA
PURA TOTONI MINASAE
LIMBANGNI SIA RI MAJE
LETENI RI PAMMASSEARENG
NAWA-NAWAI TODDONA
TODDO PULI TELLARANA

AWE …………………………………….
SAGALA RITI MENNANG
AJA NAOMPO WARAKKARANG
WIJA TENGWIJA NALALENGI PAMALENA
PURA MADDIONRONI TOTOE
TOTO POLE RIPAMMASE SEUWWAE
ITAWA PUANG DEWATA
RI LIPU KASIWIANGKU
KUMADIMENG RIPAMMASE
SALIPUNA TEMMADINGING

AWE …………………………………….
SEDDI PALE BULO-BULO
NAPOLEI SIPADDUWA
NAGILING SIAMELLERI

SIPAJAJIANG GAU MASALA
MASALA RIPANGKAUKENG
NARIYASENNA MALAWENG

AWE …………………………………….
TENNA ELORI DEWATAE
NAPOSIRI TO MAEGAE
NAMAGELLI ANANGE
NAIYYA TAU MALAWENGNGE
SAPA TANA TULA PATTAUNGENG
TEPPARANRU RAUKAJU
TEPPALORONGI WELARENG
MABELAI GARE BOSIE
TEPPATUWO TANENG-TANENG
TEPPAPOLEI WISESA
TEPPAJAJI NAWA-NAWA

AWE …………………………………….
RIAPPASENGENG ANA TENCAJI
AJA LALO NAITAI BATI
TENRITANENG TAUSENNA
AJA NALLENGNGE WIJANNA
NASABA PAKKEGELLI DEWATAE
PATTARO ADE MAPPURA ONRO